Футбол – дустиро таҳким мебахшад

2024-06-24

Бо мақсади ташвиқу тарғиби тарзи ҳаёти солим ва ҷалби шаҳрвандон ба машғулиятҳои тарбияи ҷисмонӣ ва варзиш, тарғиби васеи бозии футбол дар байни аҳолии кишвар, мустаҳкам намудани алоқаи дӯстӣ, таъмини бевоситаи иҷрои “Барномаи рушди футбол дар Ҷумҳурии Тоҷикистон барои солҳои 2022- 2026” ва Барномаи махсуси Президенти Федератсияи футболи Тоҷикистон “Дар бораи рушди футбол дар деҳоти Ҷумҳурии Тоҷикистон барои солҳои 2021 – 2024”, бо ташаббуси Кумитаи иҷроияи ибтидоии Ҳизби Халқии Демократии Тоҷикистон дар ҶСК " НБО Роғун" аз санаи 28 май то 21 июни соли 2024 дар майдончаи варзишии Русали шаҳри Роғун бахшида ба 30 - солагии таъсисёбии Ҳизби Халқии Демократии Тоҷикистон мусобиқаи ниҳои оид ба футболи хурд миёни дастаҳои ташкилотҳои ҳизбии НБО Роғун барои дарёфти "Ҷоми Ҳизби Халқии Демократии Тоҷикистон” баргузор гарид, ки дар он 16 даста иштирок намуданд пас аз қуръапартоӣ миёни ҳам рақобат намуданд. Мусобиқа давоми як моҳ идома дошт, ки дар давраи ниҳои 4 даста барои соҳиб гаштан барои "Ҷоми ҲХДТ" бо ҳам рақобат намуданд.

Дар қисмати ниҳои 4 даста ҶСК "НБО Роғун, СК "ТГЭМ", Ёқубҷон-2016 ва РМК дар финали мусобиқа роҳ ёфтанд. Футболбозони ЧСК " НБО Роғун" сазовори ҷойи якум ва барандаи ҷоми шаҳрӣ гардид. Дастаи футболбозони Ёқубҷон-2016 сазовори ҷойи дуюм ва дастаи ҶСК "ТГЭМ" сазовори ҷойи сеюми мусобиқаи футболи хурд гардиданд.

Пас аз он маросими ҷоизасупорӣ бо иштироки раиси Кумитаи иҷроияи Ҳизби Халқии Демократии Тоҷикистон дар шаҳри Роғун Қосимзода Нусратулло, муовини якуми раиси Кумитаи иҷроияи ибтидоии ҲХДТ дар НБО Роғун, Абдулаҳадзода Сайдулло ва дигар масъулин ба ғолибон Сипоснома ва "Ҷоми ХХДТ"-и давраи шаҳриро тақдим намуда, дастаи ғолибро барои иштирок дар мусобиқаи минтақавӣ омода намуда истодаанд.