Имрӯз дар толори Академияи миллии илмҳои Тоҷикистон бо иштироки муовини Раиси Ҳизби Халқии Демократии Тоҷикистон Умеда Абдуллозода, Президенти Академияи миллии илмҳои Тоҷикистон Қобилҷон Хушвахтзода, Раиси Ташкилоти ҷамъиятии ҷавонон «Созандагони Ватан» АҳмадзодаОятулло, Раист Шӯрои собиқадорони ҲХДТ дар шаҳри Душанбе Латифзода Асрор, масъулони соҳаи кор бо ҷавонон ва аъзои Ташкилоти ҷамъиятии ҷавонон «Созандагони Ватан» ҳамоиши илмӣ-назариявӣ таҳти унвони «Нақши ҷавонон — “Созандагони Ватан” дар рушд ва таҳкими пояҳои Истиқлоли давлатӣ» баргузор гардид.

Ҳамоиш ба 15-солагии таъсисёбии Ташкилоти ҷамъиятии ҷавонон «Созандагони Ватан» ва 35 солагии Истиқлоли давлатӣ бахшида шуда, дар он нақши ҷавонон дар таҳкими Истиқлоли давлатӣ, ҳифзи арзишҳои миллӣ, рушди ҷомеа ва иштироки фаъолона дар корҳои созандагию ободонӣ мавриди баррасӣ қарор гирифт.

Зимни ҳамоиш таъкид гардид, ки ҷавонон ҳамчун неруи созанда ва ояндасози кишвар дар татбиқи сиёсати давлатии ҷавонон, таҳкими ваҳдати миллӣ, худшиносиву худогоҳии миллӣ ва пешрафти Тоҷикистони соҳибистиқлол саҳми арзанда мегузоранд.

Дар идомаи чорабинӣ маърӯзаҳо ва андешаҳои иштирокдорон оид ба дастовардҳои ҷавонон, фаъолияти Ташкилоти ҷамъиятии ҷавонон «Созандагони Ватан» ва дурнамои рушди минбаъдаи он ироа гардиданд.

Дар фарҷоми ҳамоиш таъкид шуд, ки дастгирии ҷавонон, фароҳам овардани шароити мусоид барои рушди қобилияту истеъдоди онҳо ва ҷалби ҳарчи бештари насли ҷавон ба корҳои созандагиву бунёдкорӣ яке аз самтҳои муҳими рушди ҷомеа ба ҳисоб меравад.