Имрӯзҳо мо дар арафаи 30-солагии таъсисёбии ин неруи  созандаву бунёдкор қарор дорем.

Бахшида ба ин санаи муҳими таърихӣ дар толори Кумитаи иҷроияи Ҳизби Халқии Демократии Тоҷикистон дар ноҳияи Ховалинг конференсияи илмӣ-адабӣ баргузор гардид.

Дар ин конференсия кормандони Кумитаи иҷроия ва волонтёрон, аъзои ТҶҶ «Созандагони Ватан» ширкат доштанд.

Дар конференсия мудири шуъбаи ташкилӣ ва кор бо кадрҳои Кумитаи иҷроия Ҷаъмахон Файзов дар бораи зарурати таъсиси ҲХДТ ва мафҳуму моҳият, мақсаду ҳадафхои он баҳри таъмини зиндагии шоистаи мардум суханронӣ кард.

Мудири шуъбаи кор бо ҷавонони Кумитаи иҷроияи ҲХДТ дар ноҳияи Ховалинг Шарифҷон Набиев иброз дошт, ки мақсаду мароми Ҳизби Халқии Демократии Тоҷикистон таҳти сиёсати хирадмандонаи Раиси муаззами он муҳтарам Эмомалӣ Раҳмон баланд бардоштани сатҳи зиндагии шоиста ва инкишофи озодонаи инсон аст. Ғамхорӣ нисбат ба ятимон, маъюбон, нафақахӯрон, пиронсолони бесаробон ва дастгирии иҷтимоии онҳо мақсади асосии ҳизбиён мебошад.

Дар охири конференсия Бобоҷон Зоиров суханронӣ намуда, қайд кард, ки мову шумо дар якҷоягӣ, ҳамкориву ҳамдастӣ метавонем ғояҳои ҳизбамонро амалӣ гардонем ва вазифаҳои ба зиммадоштаамонро бо сарбаландӣ иҷро кунем. Ин амалҳои мо дар баланд бардоштани обруву нуфуз ва эътибори Ҳизб саҳми босазо хоҳад гузошт.

Хонандагон аъзои ТҶҶ «Созандагони Ватан» дар ин конференсия вобаста ба фаъолияти ҲХДТ маълумоти бештар пайдо намуданд.